ជង់ពិតជាមិនភ្លេចកុកមែន!! សម្លាប់មនុស្ស១ឆ្នាំមុន ១ឆ្នាំក្រោយទើបសមត្ថកិច្ចក្របួច.កបាន
ប្រភពពត៌មានបានអោយដឹងថា កាលពីថ្ងៃទី១៥ ខែមេសា ឆ្នាំ២០១៦ ជនសង្ស័យមានជម្លោះជាមួយជនរងគ្រោះពេលកំពុងរាំធុងបាស់នៅក្នុងវត្ត ស្ថិតនៅក្នុងភូមិក្រោយវត្ត ឃុំគរ ស្រុកព្រៃឈរ ខេត្តកំពង់ចាម ភ្លាមនោះជនសង្ស័យបានប្រើកាំបិតធ្វើសកម្មភាពចាក់ជនរងគ្រោះបណ្តាលអោយស្លាប់ភ្លាមៗ ហើយជនសង្ស័យបានព្យាយាមរត់គេចអស់រយៈពេលជាងមួយឆ្នាំទើបសមត្ថកិច្ចធ្វើការឃាត់ខ្លួនបាន។ ជនសង្ស័យខាងលើមានឈ្មោះ រៀម ចាន់ដា ហៅខុង ភេទប្រុស អាយុ២២ឆ្នាំ ទីលំនៅបច្ចុប្បន្នភូមិតាកែវ ឃុំគរ ស្រុកព្រៃឈរ ខេត្តកំពង់ចាម។
ក្រោយឃាត់ខ្លួន កម្លាំងសមត្ថកិច្ចនគរបាលព្រហ្មទណ្ឌខណ្ឌ៧មករាបានប្រគល់ខ្លួនជនសង្ស័យជូនកម្លាំងនគរបាលខេត្តកំពង់ចាមដើម្បីចាត់ការតាមផ្លូវច្បាប់៕
លីកា
ខ្មែរណូត
