ជនចំលែក ទូរស័ព្ទមកលោកផែង វណ្ណៈ ប្រាប់ថាសំណុំរឿង ម្ចាស់រថយន្ត Ford ដេញវាយ Lexus RX 400h បែកកញ្ចក់គ្រាន់តែរឿងស៊ីផ្លេ បានបញ្ចប់ហើយ ត្រឹមបង់លុយ ១ម៉ឺនដុល្លារ

komsan March 8, 2017

មុននេះបន្តិចលោកផែងវណ្ណៈ បានបង្ហោះនៅលើបណ្តាញសង្គមហ្វេសបុករបស់លោកដោយនិយាយទាក់ទិននឹងជនចម្លែកបានទូរស័ព្ទមកលោកនិយាយរឿងករណី ម្ចាស់រថយន្ត Ford ដេញវាយ Lexus RX 400h បែកកញ្ចក់គ្រាន់តែរឿងស៊ីផ្លេ ហើយក្នុងអត្ថន័យនៃការសន្ទនាគឺ ប្រាប់លោកផែង វណ្ណៈថា រឿងហឹង្សានេះបានដោះស្រាយរួចរាល់ហើយ ដោយម្ចាស់ឡាន Ford បានសងការខូចខាតទៅភាគីម្ចាស់ឡាន Lexus RX400h ចំនួន ១ម៉ឺនដុល្លារ។ បើចង់ជ្រាបច្បាស់ សូមប្រិយមិត្តអានការសន្ទនារបស់លោកខាងក្រោម៖
វ៉ៃរួចបង់លុយចប់រឿង ?
ជនចំលែក : អាឡូជំរាបសួរ បង ផែង វណ្ណៈ មែន ?
ផែង វណ្ណៈ : បាទគឺខ្ញុំនិងហើយ ពីណាគេ មានការអីដែរ ?

ជនចម្លែក : ខ្ញុំមានរឿងចង់ប្រាប់បង ករណីរថយន្ត Ford លេខ 2AN-3591ភ្នំពេញ បើកដេញវាយបំផ្លាញរថយន្ត Lexus បង្ករការភ្ញាក់ផ្អើលពេញ Facebook នោះ ត្រូវបានដោះស្រាយបញ្ចប់ហើយ ។
ផែង វណ្ណៈ : ពិតអត់ ហើយបញ្ចប់របៀបម៉េច ?
ជនចម្លែក : ពិតហើយបង គេបញ្ចប់រឿងដោយមិនមានប្ដឹងផ្ដល់ពីម្ចាស់រថយន្ត Lexus ទេ ព្រោះជនបង្ករបានសងការខូចខាតទៅម្ចាស់រថយន្ត Lexus ជាង ១០០០០ ដុល្លារ អាមេរិកហើយម្ចាស់រថយន្ត Lexus បានដកពាក្យបណ្ដឹងរួចហើយ ។
ផែង វណ្ណៈ : សងលុយគ្រាន់តែជាសំណងរដ្ឋប្បវេណី ចុះបទល្មើសហឹង្សារដោយចេតនាគិតយ៉ាងម៉េចវិញ ?
ជនចម្លែក : សុំទោសបងរឿងនេះខ្ញុំមិនដឹងទេ មេៗ គាត់ទាក់ទងគ្នាខាងលើរួចហើយ អាចបញ្ជូនតែសំណុំរឿងទៅទេ តែជនបង្ករអោយទៅវិញហើយ ម្យ៉ាងទៀតម្ចាស់ឡានមិនមែនអ្នកវ៉ៃទេ គឺមិត្តភក្តិម្ចាស់ឡានទេជាអ្នកវ៉ៃ ។
ផែង វណ្ណៈ : បាទអរគុណ ដែលបានផ្ដល់ព័ត៌មាន តែខ្ញុំមិនទាន់ហ៊ានសន្និដ្ឋានថារឿងនេះពិតឬយ៉ាងណាទេ ខ្ញុំខំព្យយាមទូរស័ព្ទទៅសមត្ថកិច្ចពាក់ព័ន្ធដែរដើម្បីបញ្ជាក់ការពិត តែទាក់ទងមិនបានសោះ ។ តែបើដូចព័ត៌មាននេះមែនល្អមើលហើយស្រុកយើង ដើរវ៉ៃបង់លុយ វ៉ៃបង់លុយ ជនល្មើសនៅតែស្ថិតនៅក្រៅច្បាប់ ។ ប្រភព៖ ផែង វណ្ណៈ