Global Times របស់ចិន បានឲ្យដឹងថា ស្ថានីយ៍ប្រេងឥន្ធនៈនៅក្នុងទីក្រុង Pyonyang ប្រទេសកូរ៉េខាងជើង បានផ្អាកសេវាកម្មរបស់ខ្លួន ព្រោះតែជួបប្រទះនឹងបញ្ហាការខ្វះខាតប្រេងឥន្ធនៈផ្គត់ផ្គង់នៅក្នុងប្រទេស ។ Dtn7.com Photos's photo. សេចក្តីរាយការណ៍បានឲ្យដឹងថា ស្ថានីយ៍ប្រេងឥន្ធនៈជាច្រើននៅក្នុងទីក្រុង Pyonyang របស់កូរ៉េខាងជើងត្រូវបានបិទទ្វារអាជីវកម្ម និងតម្លៃប្រេងសាំងមានការកើនឡើងខ្លាំង ខណៈប្រេងសាំងសម្រាប់រថយន្ត គឺត្រូវបានផ្តល់ឲ្យតែរថយន្តដែលពាក់ស្លាកលេខការទូតប៉ុណ្ណោះ ។ Dtn7.com Photos's photo. មុននេះថ្មីៗ សហរដ្ឋអាមេរិក និងប្រទេសកូរ៉េខាងត្បូងមានគម្រោងផែនការដាក់បម្រាមលើការនាំចេញប្រេងទៅកាន់ប្រទេសកូរ៉េខាងជើង ដោយអនុវត្តន៍តាមរយៈក្រុមប្រឹក្សាសន្តិសុខអង្គការសហប្រជាជាតិ ក្នុងករណីប្រទេសកូរ៉េខាងជើងនៅតែបន្តចចេសរឹងរូសគឃ្លើនបំផ្ទុះតេស្តសាកល្បងគ្រាប់បែកនុយក្លេអ៊ែរលើកទី៦របស់ខ្លួនទៀតនោះ ។ Dtn7.com Photos's photo. យោងតាមរបាយការណ៍ដែលអាចជឿជាក់បានមួយឲ្យដឹងថា ការនាំចូលប្រេងឥន្ធនៈរបស់កូរ៉េខាងជើង គឺពឹងផ្អែកទាំងស្រុងរហូតដល់៩០ភាគរយពីប្រទេសចិន ខណៈគេហទំព័រសារព័ត៌មាន Reuters ធ្លាប់បានផ្សព្វផ្សាយឲ្យដឹងថា កាលនាំចូលប្រេងរបស់ប្រទេសកូរ៉េខាងជើងពីប្រទេសចិនកាលពីឆ្នាំ២០១៥កន្លងទៅមានទំហំទឹកប្រាក់ប្រមាណ៥០០លានដុល្លារអាមេរិក ។ Dtn7.com Photos's photo. អ្នកវិភាគព្រឹត្តិការណ៍នយោបាយអន្តរជាតិបានលើកឡើងថា ទីផ្សារនាំចេញ-នាំចូលរបស់ប្រទេសកូរ៉េខាងជើងក្រោមការដឹកនាំរបស់បុរសវ័យក្មេង Kim Jong-un បច្ចុប្បន្ន គឺពឹងផ្អែកលើប្រទេសចិនរហូតដល់ប្រមាណ៩០ភាគរយ ។ ដូច្នេះ ទណ្ឌកម្មរបស់អង្គការសហប្រជាជាតិក្តី សហរដ្ឋអាមេរិក ព្រមទាំងសម្ព័ន្ធមិត្តក្តីទៅលើប្រទេសកូរ៉េខាងជើង ក្នុងរឿងកម្មវិធីអាវុធនុយក្លេអ៊ែរនោះឲ្យមានប្រសិទ្ធភាពទៅបាន លុះត្រាតែមានការចូលរួម និងការសម្រេចចិត្តកម្រិតខ្ពស់ជាចាំបាច់ពីសំណាក់មហាអំណាចចិន ៕ Dtn7.com Photos's photo. Filed in: Feature, អន្តរជាតិ
